اتراکھنڈ: فلائی اوور کی نامکمل تعمیر سے لوگ پریشان

اتراکھنڈ کے کاشی پور میں زیر تعمیر فلائی اوور برج پچھلے دو سالوں سے زیر تعمیر ہے لیکن ابھی تک اس کا کام مکمل نہیں ہوا جس سے راہگیروں کو کافی پریشانی ہو رہی ہے۔

اتراکھنڈ کے اودھم سنگھ نگر میں ٹریفک سے لوگوں کو نجات دلانے کے لیے ، وزیراعلیٰ تریویندر سنگھ راوت 31 جنوری 2018 کو شہر کے رام لیلا میدان میں منعقدہ ایک تقریب میں کاشی پور پہنچے تھے جہاں انہوں نے فلائی اوور بر کا سنگ بنیاد رکھا تھا۔

مجوزہ فلائی اوور کو مکمل کرنے کے لیے دو سال کی میعاد طئے تھی لیکن کام کی رفتار سست ہونے سے فلائی اوور ابھی تک اپنی قسمت پر آنسو بہا رہا ہے اور راہگیروں کو اس کی وجہ سے کافی پریشانی ہورہی ہے۔

اس معاملے میں کاشی پور کے جوائنٹ مجسٹریٹ (ایس ڈی ایم) گورو کمار کا کہنا ہے کہ جلد ہی اس فلائی اوور کی تعمیر مکمل کر لی جائے گی اور اسے عوام کے لیے کھول دیا جائ گا۔