میڈیکل کیمپ میں مریضوں کا مفت علاج

اتراکھنڈ اقلیتی کمیشن کی جانب سے دوئی والا میں ایک کیمپ کا اہتمام کیا گیا، جس میں اتراکھنڈ کے سب سے بڑے میڈیکل انسٹی ٹیوٹ، سی ایم آئی کے ماہر ڈاکٹروں کی ایک ٹیم نے خطے کے اقلیتی طبقے کے بیماری میں مبتلا لوگوں کا مفت علاج کیا۔

اقلیتی برادری کی بہتری کے لئے ، ریاست کی اقلیتی محکمہ نے لوگوں کی صحت کی ضروریات کو پورا کرنے کی کوشش کے لئے آج ایک میڈیکل کیمپ کا انعقاد کیا، جہاں سینکڑوں لوگ کیمپ میں شامل ہوئے اور کیمپ سے مستفیض ہوئے۔

اس کیمپ میں پہنچنے والے اقلیتی کمیشن کے چیئرمین ڈاکٹر کے کے جین نے کہا کہ محکمہ اقلیتی معاشرے کے لوگوں کو حکومت کی ہر اسکیم کا فائدہ براہ راست یقینی بنانے کی کوشش کر رہا ہے۔

لہذا ، دیہی علاقوں میں میڈیکل کیمپوں کے انعقاد کے لئے کمیشن کا مقصد یہ ہے کہ لوگوں کی بنیادی ضروریات پوری ہوں۔