ترویندر راوت نے پریس کانفرنس میں دعوی کیا ہے کہ اتراکھنڈ میں اب تک تقریبا دو لاکھ غیر مقیم مزدور گھر لوٹ چکے ہیں اور ان سب کی تفصیلات تیار کی جارہی ہے۔
ان مزدوروں کے سلسلے میں مرکز کی ہدایات کی پیروی کرتے ہوئے مزدوروں کی اسکریننگ، ٹیسٹنگ اور کورنٹائن کا انتظام کیا جارہا ہے۔
وزیراعلی نے کہا کہ نوجوانوں اور ریاست میں لوٹنے والے لوگوں کے لیے وزیراعلی سیلف ایمپلائمنٹ منصوبہ شروع کیا گیا ہے اور کئی دیگر منصوبوں پر کام کیا جارہا ہے۔ دیہی معیشت کو مستحکم کرنے پر خصوصی توجہ دی جارہی ہے۔ صنعتی یونٹوں کو چلانے کی اجازت دی گئی ہے۔
انہوں نے بتایا کہ ریاست میں کورونا انفیکشن کے معاملوں میں مسلسل اضافہ ہورہا ہے، اس لئے ریاستی حکومت اس کا مقابلہ کرنے کے لئے پوری طرح تیار ہے۔
ترویندر راوت کا کہنا تھا کہ غیر مقیم مزدوروں کی سہولت کے لئے تقریبا چودہ ہزار بستروں کی سہولت مہیا کرائی گئی ہے اورآئی سی یو، وینٹی لیٹر کے ساتھ ہی ڈاکٹروں اور پیرامیڈیکل اسٹاف کی تعداد میں اضافہ کیا گیا ہے۔
