نینی تال: ریاست اتراکھنڈ کے نینی تال ضلع کی لال کنواں پولیس نے دہلی کے دوارکا سے چوری کی گئی کار برآمد کر کے دو چور وں کو گرفتار کیا ہے۔ ملزم کار کو الموڑا فروخت کے لئے لے جا رہے تھے۔ پولیس نے دہلی پولیس کو اطلاع دے دی ہے۔ موصولہ اطلاع کے مطابق ہلدو چوڑا تھانہ انچارج سومیندر سنگھ کی قیادت میں اتوار کو لال کنواں پولیس کی طرف سے سبھاش نگر بیریئر پر گاڑیوں کی جانچ کی جا رہی تھی ۔اسی دوران پولیس کو کچھا کی طرف سے ایک ایکو کارگو وین نمبر ڈی ایل 1 آر 8761 نظر آئی۔
پولیس نے مشتبہ کار کو رکنے کا اشارہ کیا تو کار میں سوار ڈرائیور نوجوان بھاگنے لگا۔ پولیس نے کچھ دور جاکر نوجوان کو پکڑ لیا ۔ اس دوران کا ر ڈرائیور نریش چوہان اتم نگر کے رہنے والے ، جین کالونی پارٹ نمبر3- تتھیوڑ کا رہنے والا، ٹہری اور ہیمنت بسٹ رہائشی چنودا ، سومیشور، الموڑا سے پوچھ گچھ کی گئی تو ملزم نے بتایا کہ انہوں نے کار کو دہلی کے دوارکا میں واقع مٹیالا سے چوری کیا ہے۔ ملزم کار کو الموڑا بیچنے کے لئے جا رہے تھے۔ اس دوران پولیس کو کار سے ایک ٹول ٹیکس کی پرچی بھی ملی ۔ جس میں سیما نام درج تھا۔ پولیس نے پرچی میں موجود موبائل نمبر سے رابطہ کیا تو پتہ چلا کہ کار 17فروری کو دوارکا سے چوری ہوئی ہے اور کار چوری کی شکایت دوارکا پولیس تھانے میں درج ہے۔
یہ بھی پڑھیں: Car Thief Arrested from Muzaffarnagar: چار شاطر چور گرفتار
یو این آئی
