اُتراکشی کے قرب و جوار میں واقع متعدد گاوں کے لوگوں نے بنیادی سہولیات کی کمی کے مد نظر آئندہ لوک سبھا انتخابات کا بائیکاٹ کرنے کا فیصلہ کیا ہے۔
مقامی لوگوں کے مطابق اُتراکشی کے موری پُرولا علاقے کے تقریباً 40 گاوں بجلی سے محروم ہیں۔ علاقے میں پانی ، اسکولوں اور سڑکوں کی عدم دستیابی سے لوگوں کو کافی مشکلات کا سامنا کرنا پڑتا ہے۔
ایک مقامی شخص اُپیندر چوہان نے حکومت کو تنقید کا نشانہ بناتے ہوئے میڈیا کو بتایا کہ حکومت اور سیاسی رہنما انہیں ہمیشہ نظر انداز کرتے آئے ہیں اور اسی کے سبب آئندہ انتخابات میں انہوں نے بائیکاٹ کا فیصلہ کیا ہے۔
واضح رہے کہ آئندہ عام انتخابات کا شیڈول جاری کر دیا گیا ہے۔ انتخابات کا پہلا مرحلہ 11 اپریل سے شروع ہوگا۔ لوک سبھا انتخابات سات مراحل میں ہوں گے اور 23 مئی کو نتائج کا اعلان ہوگا۔
ریاست اُتراکھنڈ کے پانچ پارلیمانی حلقوں میں انتخابات ہوں گے۔
