روڑکی میں ویسٹ ٹو انرجی پلانٹ کی بِڈ عمل پورا کرنے کی ہدایت

وزیر اعلیٰ ترویندر سنگھ راوت نے روڑکی میونسپل کارپوریشن علاقے میں ویسٹ ٹو انرجی پلانٹ قائم کیے جانے کے لیے آئندہ پانچ ستمبر تک بِڈ کا عمل مکمل کرنے کی ہدایت دی ہے۔

دہرادون: اتراکھنڈ کے وزیر اعلیٰ ترویندر سنگھ راوت نے روڑکی میونسپل کارپوریشن علاقے میں ویسٹ ٹو انرجی پلانٹ قائم کیے جانے کے لیے آئندہ پانچ ستمبر تک بِڈ کا عمل مکمل کرنے کی ہدایت دی ہے۔
ترویندر نے منگل کے روز سکریٹریٹ میں منعقد اجلاس میں کہا کہ 'اس کے بعد دہرادون اور اودھم سنگھ نگر میں بھی ویسٹ ٹو انرجی پلانٹ بنائے جائیں گے۔ انہوں نے پالیسی کے مطابق محکمہ کے اتفاق سے عمل جلد شروع کرنے کی ہدایت دی۔
روڑکی میں ویسٹ ٹو انرجی پلانٹ قائم کرنے کے لیے 2015-16 میں سِڈکُل کو ایگزیکٹو باڈی بنائی گئی تھی لیکن اس پلانٹ پر کام شروع نہیں ہوا۔ اس پر ناراضگی ظاہر کرتے ہوئے وزیر اعلیٰ نے شہری محکمہ کے ذریعے عمل جلد شروع کرنے کی ہدایت دی۔
میٹنگ میں شہری ترقیات کے وزیر مدن کوشک، میئر روڑکی گورو گوئل، رکن اسمبلی روڑکی پردیپ بترا، ایڈیشنل چیف سکریٹری منیشا پنوار، سکریٹری شیلیش بگولی، ایس اے مُروگیشن، ایڈیشنل سکریٹری کمار سُمن، کیپٹن آلوک شیکھر تیواری، سٹی کمشنر روڑکی نوپُر ورما موجود تھے۔