سابق وزیر اعلیٰ اور کانگریس کے رہنما ہریش راوت نے پارٹی کی صدر سونیا گاندھی اور بی ایس پی سپریمو کو بھارت رتن دینے کی مانگ کی ہے۔
راوت نے کہا کہ سونیا گاندھی نے بھارتی خواتین کے وقار اور معاشرتی لگن اور عوامی خدمات کے پیمانے کو ایک نئی اونچائی دی ہے۔
ہریش راوت نے ٹویٹر پر لکھا کہ 'قابل احترام سونیا گاندھی جی اور قابل احترام بہن مایاوتی جی، دونوں شاندار سیاسی شخصیات ہیں۔ آپ ان کی سیاست سے متفق اور غیر متفق ہوسکتے ہیں لیکن آپ اس حقیقت سے انکار نہیں کرسکتے کہ سونیا جی نے بھارتی خواتین کے وقار اور معاشرتی لگن اور عوامی خدمات کے پیمانے کو ایک نئی بلندی اور وقار عطا کیا ہے۔'
مزید پڑھیں:
'کووڈ ویکسینیشن ٹیکا کاری مہم کا آغاز13 جنوری سے ہونے کا امکان
انہوں نے کہا کہ 'آج انہیں بھارت کی اہم ترین شخصیات سمجھا جاتا ہے۔ مایاوتی جی نے برسوں سے متاثرزدہ اور مظلوموں کے ذہنوں میں ایک حیرت انگیز یقین پیدا کیا ہے۔ بھارتی حکومت کو چاہئے کہ ان دونوں شخصیات کو اس سال بھارت رتن سے نوازا جائے۔'
