چین کے جارحانہ رویے کے بعد بھارت نے سرحدی علاقوں میں سڑکیں تعمری کرنے کا کام بھی شروع کر دیا ہے۔
پٹوراگڑھ کی وادی ویاس میں لیپولیکھ تک سڑک کی تعمیر کے بعد چینی سرحد سے ملحق وادی دارما کے گاؤں دگتو تک سڑک کی تعمیر کی جا رہی ہے۔
چین سے متصل وادی دارما بھی جلد سڑک کے ذریعے منسلک ہوجائے گی۔
سینٹرل پبلک ورکس ڈپارٹمنٹ (سی پی ڈبلیو ڈی) نے وادی دارما میں سڑک کاٹنے کا کام مکمل کرلیا ہے۔
اس سڑک کی تعمیر سے وادی دارما کے 14 دیگر گاؤں والوں کو آسانی ہوگی۔
اس کے علاوہ سکیورٹی فورسز کو بھی سرحد تک پہنچنے میں آسانی ہوگی۔
دگتو گاؤں تک جس مشکل صورتحال میں سڑک بنائی گئی ہے، وہ بھارتی انجینئرنگ کا ایک اہم ترین کارنامہ ہے۔
