دہرادون: بی جے پی کے رکن اسمبلی نہیں رہے

بی جے پی کے ایم ایل اے سریندر سنگھ جینا جو طویل عرصے سے بیمار چل رہے تھے، آج وہ چل بسے۔ اس واقعے سے بی جے پی میں سوگ کی لہر دوڑ گئی ہے۔

ریاست اتراکھنڈ کے دارالحکومت دہرادون کے سلٹ سیٹ سے بی جے پی کے رکن اسمبلی سریندر جینا کا طویل عرصے سے بیماری کے بعد آج انتقال ہوگیا جس کے بعد بی جے پی کے رہنماؤں میں غم کا ماحول ہے ۔

اس تعلق سے بی جے پی کے ریاستی صدر بنشی دھر بھگت نے کہا کہ جینا ہمارے نوجوان، طاقت ور اور قابل کارکن کے ساتھ ساتھ رکن اسمبلی بھی تھے۔ تنظیم اور عوامی مفاد میں ہمیشہ سرگرم رہتے تھے۔

ریاستی صدر نے کہا کہ خدا ان کی روح کو سلامتی بخشے اور ان کے اہل خانہ کو یہ غم برداشت کرنے کی توفیق عطا کرے۔ حال ہی میں ان کی اہلیہ کا بھی انتقال ہوگیا تھا اور اب ان کی وفات سے اہل خانہ میں شدید غم کا ماحول ہے۔