اتر پردیش کانگریس کی انچارج اور جنرل سکریٹری پرینکا گاندھی نے ریاست میں سی ایم او کی سفارش پر کورونا مریضوں کو اسپتال میں داخل کرنے کی خبر پر اترپردیش حکومت کو ہدف تنقید بنایا اور کہا کہ عام لوگوں کا علاج آسانی سے ہو اس کے لیے اصول آسان بنایا جانا چاہیے۔
محترمہ وڈرا نے کہا 'یہ عمل مشکل ہے اور اس سے کورونا مریضوں کی تعداد بڑھ رہی ہے اور عام لوگوں کی جان جا رہی ہے۔ لہذا ریاستی حکومت کو فوری طور پر اس اصول کو تبدیل کرنا چاہیے تاکہ کورونا مریضوں کی بھرتی کا عمل بہت آسان ہو جائے'۔
انہوں نے ٹویٹ کیا کہ 'بہت سے مقامات سے اطلاعات آرہی ہیں کہ بہت سے سنگین مریضوں کو چیف میڈیکل آفیسر-سی ایم او کے خط کے بغیر داخل نہیں کیا جا رہا ہے۔ وزیر اعلی جی سی ایم او کے خط کے انتظار میں لوگوں کی جانیں جا رہی ہیں۔ براہ کرم اس قانون کو ختم کریں۔ لوگوں کی جانیں بچائیں'۔
عام لوگوں کے مفاد میں اس نظام میں تبدیلی پر زور دیتے ہوئے پرینکا گاندھی نے کہا کہ 'ایسا نظام بنائیں تاکہ سنگین مریضوں کا اسپتال میں داخلہ آسان ہوجائے'۔
