کانپور:حلیم کالج گراؤنڈ پر 23 جنوری کو یوگیندر یادو خطاب کریں گے

ضلع کانپور میں 23 جنوری کو مشہور دانشور ، سیاسی وسماجی مفکر یوگیندر یادو تشریف لا رہے ہیں جہاں وہ ایک جلسہ عام سے خطاب کریں گے۔ کانپور کے حلیم کالج گراؤنڈ پر یوگیندر یادو شہریت ترمیمی قانون کے خلاف عوام کو خطاب کریں گے۔

ریاست اترپردیش کے کانپور ضلع میں 'لوک تنتر بچاو سنگھرش سمیتی' شہریت ترمیمی قانون کے خلاف مہم چلا رہی ہے، تنظیم اپنی قیادت میں کئی بڑے احتجاجی مظاہرے کر چکی ہے۔

تنظیم اب 23 جنوری کو حلیم کالج گراؤنڈ پر ایک جلسہ عام کرے گی جس میں مشہور سیاسی و سماجی کارکن یوگیندر یادو خطاب کریں گے۔

یوگیندر یادو پہلے بھی شہریت ترمیمی قانون کے خلاف اپنی رائے ظاہر کرچکے ہیں۔ یوگیندر یادو کانپور کی عوام میں بیداری پیدا کرنے کے لیے 23 جنوری کو ایک بڑے جلسے کو خطاب کریں گے۔