بمشکل چند مزدوروں کو چوپالا سٹی روڈ پر تعمیر کیے جارہے پل کے کام میں لگایا گیا ہے۔ یہاں تقریبا 20 مزدور کام میں لگے ہوئے ہیں۔ بات چیت کے دوران ان مزدوروں نے بتایا کہ 'پل کی تعمیر کا کام دو دن قبل ہی ایک بار پھر شروع ہوا ہے جس کی وجہ سے ہمیں کام مل گیا ہے۔
مزدوروں کو 250 روپے کی یومیہ اجرت تھوڑی سکون فراہم کرتی ہے ، لیکن مزدور اس خدشے سے دوچار ہیں کہ کام دوبارہ بند نہ ہو جائے۔ واضح رہے کہ ان مزدوروں کی تعداد 20 کے قریب ہے۔ ایسی صورتحال میں ضلع کے ہزاروں مزدور اب بھی بے روزگار ہیں۔
یوگی آدتیہ ناتھ حکومت نے دوسری ریاستوں میں پھنسے مزدوروں کو واپسی کی قوائد تیز کردی ہے۔ اس درمیان سوال یہ پیدا ہوتا ہے کہ اگر لاک ڈاؤن جلد نہیں کھولا گیا تو پھر ان کی وطن واپسی کے بعد کون ان کے روزی روٹی کا سہارا بنے گا۔
