ریاست اترپردیش کے دارالحکومت لکھنو میں خواتین نے شاہین باغ کے طرز پر سی اے اے اور این آر سی کے خلاف دھرنے پر بیٹھ گئیں ہیں۔
سی اے اے کے خلاف خواتین دھرنے پر بیٹھی ہیں
دھرنے پر موجود کئی خواتین نے ای ٹی وی بھارت سے بات کرتے ہوئے کہا کہ'جب تک حکومت اس قانون کو واپس نہیں لیتی، ہم اس کے خلاف احتجاج کرتے رہیں گے خواہ ہمیں کتنی بھی قربانیاں دینی کیوں نہ پڑیں۔
انکا کہنا ہے کہ ہمیں مودی حکومت کے اچھے دن نہیں چاہیے بلکہ ہمارے وہی پرانے دن واپس لوٹا دو، ہم اسی میں خوش ہیں۔
واضح رہے کہ گزشتہ دو روز سے شہر میں مسلسل بارش ہو رہی ہے، جس سے موسم کافی سرد ہو گیا ہے تاہم پرانے شہر کے چوک علاقے میں کلاک ٹاور کے نیچے کھلے آسمان میں خواتین اپنے چھوٹے بچوں کے ساتھ دھرنے پر بیٹھی ہیں۔
