خواتین کو خود کفیل بنانے کے لیے چلائے جا رہے ایک تربیتی پروگرام سے خطاب کرتے ہوئے گورنمنٹ گرلز پی جی کالج کی پرنسپل ڈاکٹر رجنی رانی اگروال نے کہا کہ سماج کو بہتر بنانے کے لیے ضروری ہے کہ لڑکیوں کو بھی سماج میں اتنی ہی اہمیت دی جائے جتنی لڑکوں کو دی جاتی ہے۔
انہوں نے کہا کہ پیدائش سے لے کر زندگی کے مختلف شعبوں میں پہنچنے تک خواتین کے حقوق کے خلاف ورزیاں کی جاتی ہیں۔
ڈاکٹر رجنی اگروال نے شادی کے موقع پر لڑکیوں کو جہیز دینے سے متعلق کہا کہ ہمارا پورا سماج لڑکیوں کو صرف جہیز دیکر وراثت سے محروم کردیا جاتا ہے۔ جبکہ لڑکوں کو پوری جائداد کا وارث بنا دیا جاتا ہے۔ انہوں نے کہا کہ جہیز کی رقم بہت کم ہوتی ہے اور اگر عورت شادی کے بعد معاشی تنگی کا شکار ہو جاتی ہے یا بے سہارا ہو جاتی ہے تو اس کو کافی دشواریوں کا سامنا کرنا پڑتا ہے۔ اس لیے لڑکیوں کو جہیز نہیں وراثت میں حصہ دیں تاکہ وہ صحیح معنوں میں خودکفیل بن سکے۔
