نوئیڈا میں جے پی ہسپتال کے ڈاکٹر، اسٹاف، نرس سمیت سبھی ٹیکنیشین کو کوارنٹین کیا گیا ہے۔ موقع پر پہنچی محکمہ صحت کی ٹیم نے ہسپتال کے اس فلور کو خالی کرا کر سینیٹائز کیا ہے۔ مریض کو ہسپتال میں ہی آئسولیٹ کرکے اس کا علاج چل رہا ہے۔ خاتون کا آپریشن کرنے والے ڈاکٹر اور آپریشن سے منسلک تمام اسٹاف کو کورنٹین کر دیا گیا ہے۔
خاتون سات اپریل کو مظفر نگر سے نوئیڈا علاج کرانے آئی تھی۔ خاتون کینسر سے متاثر ہے۔ ڈاکٹروں نے خاتون کو ایڈمٹ کر کے اس کا آپریشن کر دیا۔ اس دوران خاتون میں کورونا وائرس کے علامات ملنے کے بعد کورونا ٹیسٹ کیا گیا۔ رپورٹ پازیٹیو آنے کے بعد ہسپتال میں افرا تفری مچ گئی۔
نوئیڈا اب کورونا وائرس متاثر مریضوں کی تعداد 64 ہو گئی ہے۔ ان میں 12 مریض ٹھیک ہو کر گھر جا چکے ہیں۔ 52 مریضوں کا علاج چل رہا ہے۔
