وزیراعظم کے اعلان کے بعد سے ملک میں جاری لاک ڈاؤن لوگوں کے لئے مشکلوں بھرا ہے۔ کئی شہروں میں لوگ پھنس گئے ہیں۔ ان میں یومیہ مزدوری کرنے والے زیادہ تر لوگ پریشانیوں کا شکار ہیں۔ ان کے پاس کھانے پینے کی چیزیں بھی دستیاب نہیں ہیں۔ان کے سامنے مسئلہ یہ ہے کہ اپنی بات کس سے کہیں۔ 
اتنا ہی نہیں جن لوگوں کا تعلق گاؤں دیہات سے ہے، وہ بھی شہروں سے اپنے گھروں کی طرف پیدل اور بھوکے پیاسے ہی روانہ ہوگئے۔
اسی ضمن میں ریاست کی دارالحکومت لکھنؤ کے چار باغ بس اسٹیشن میں آج کثیر تعداد میں ایسے لوگ پہنچے، جو دہلی، غازی آباد، نوئیڈا، کانپور اور دوسرے مختلف شہروں سے یہاں پیدل یا کچھ لوگ دوسری سواریوں سے آئے۔
ای ٹی وی بھارت سے بات چیت کے دوران کچھ مسافروں نے بتایا کہ ہم لوگ سینکڑوں کلومیٹر پیدل چل کر لکھنؤ بھوکے پیاسے کسی طرح پہنچ پائے ہیں۔
وہیں ایک سادھو نے بتایا کہ وہ پانچ دنوں سے بھوکے ہیں اور کانپور سے پیدل چل کر آئے ہیں۔
انہوں بتایا کہ گزشتہ رات صرف پانی پی کر ہی گزاری ہے۔
ای ٹی وی بھارت سے بات چیت کے دوران لکھنؤ کے جوائنٹ پولیس کمشنر نوین اروڑہ نے کہا کہ صبح سے ہی یہاں پر بڑی تعداد میں مسافر مختلف شہروں سے آئے ہیں۔
نوین نے کہا کہ جو لوگ بھی ہم سے مدد کے لیے رابطہ کرتے ہیں، فورا ہم ان کی ہر طرح سے مدد کرتے ہیں، اس کے لیے کئی کنٹرول نمبر شائع کیے گئے ہیں تاکہ کسی کو کوئی پریشانی نہ ہو۔
