وی ایچ پی کارکنان نے نکیتا قتل معاملہ کو 'لو جہاد' کہا ہے۔
احتجاج میں شامل لوگوں نے انتظامیہ سے مطالبہ کیا کہ اس قسم کے معاملات میں سخت کارروائی کی جائے تاکہ دوبارہ اس قسم کی کوئی حرکت نہ کرسکے۔
نوئیڈا کے سیکٹر 27 میں واقع ڈی ایم کی رہائش گاہ پر آج وشو ہندو پریشد نے احتجاج کیا۔
ان کا کہنا تھا کہ لو جہاد جیسے معاملات مستقل طور پر سامنے آتے رہتے ہیں ، ایسے معاملات میں پولیس کی طرف سے کوئی سخت کارروائی نہیں کی جاتی ہے، اور بعض معاملات میں متاثرہ لڑکی کو بھی ہلاک کردیا جاتا ہے۔
مزید پڑھیں:ڈاکٹر عظیم امروہوی کے انتقال پر آن لائن تعزیت
نکیتا قتل معاملے بھی لو جہاد ہے جس میں معصوم نکتیا کو بے دردی سے قتل کیا گیا۔
وشو ہندو پریشد کے کارکنان کا کہنا ہے کہ اگر حکومت اور انتظامیہ کی جانب سے اس طرح کے معاملات میں سخت کارروائی نہیں کی گئی تو وہ مزید ملک گیرسطح پر احتجاج کریں گے۔
