رمضان کا مقدس مہینہ چل رہا ہے اور رمضان کے مقدس مہینے میں تین عشرے ہوتے ہیں۔ پہلا عشرہ رحمت کا، دوسرا عشرہ مغفرت کا اور تیسرا عشرہ جہنم سے نجات کا ہوتا ہے۔
ماہ رمضان کے مقدس مہینے کے دونوں عشرے گزر جانے کے بعد اب تیسرا عشرہ جہنم سے نجات کا چل رہا ہے۔ اس میں روزے دار مسجدوں میں اعتکاف میں بیٹھتے ہیں اور اللہ کی عبادت کرتے ہیں۔
تو وہیں خواتین روزے دار بھی اپنے گھروں میں پردے میں رہ کر اللہ کی عبادت کرتی ہیں اور اعتکاف میں بیٹھتی ہیں اور عید کا چاند دیکھنے کے بعد اعتکاف سے باہر آتی ہیں اور عید مناتی ہیں۔
محلے کی ہر مسجد میں ایک یا ایک سے زیادہ لوگ اعتکاف میں بیٹھ کر اللہ کی عبادت کرتے ہیں نماز پڑھتے ہیں اور انہیں مسجد سے باہر جانے کی اجازت نہیں ہوتی روزے رکھنا اور اللہ کی عبادت کرنا ہر مسلمان کا فرض ہے۔
مولانا اسماعیل نعیمی نے بتایا کہ ماہ رمضان کا آخری عشرہ جہنم سے نجات کا ہوتا ہے۔ اس عشرے میں لوگ مسجدوں میں بیٹھ کر اعتکاف میں رہ کر نماز پڑھتے ہیں، قرآن شریف کی تلاوت کرتے ہیں، اللہ کی عبادت کرتے ہیں اور دعائیں کرتے ہیں۔
مولانا نے کہا کہ محلے کی مسجد میں ایک یا ایک سے زیادہ لوگوں کا اعتکاف میں بیٹھنا ضروری ہے۔ اعتکاف میں بیٹھنے سے محلے کے سبھی لوگوں کے گناہ معاف ہوتے ہیں۔
