اترپردیش کے ضلع بنارس میں 18 برس سے اوپر کے لوگوں کو ضلع کے تقریبا 17 مراکز پر ٹیکہ کاری کا عمل شروع کیا گیا ہے۔ جہاں کورونا گائیڈ لائن کی مکمل طور پر خلاف ورزی کی جارہی ہے۔
ویڈیو
اس دوران ای ٹی وی بھارت کے نمائندہ سے بات کرتے ہوئے لائن میں کھڑے لوگوں نے بتایا کہ ٹیکہ کاری کے لئے رجسٹریشن کرانے کے لئے دو گھنٹوں سے قطار میں کھڑے ہیں لیکن رجسٹریشن کے لئے کوئی عہدیدار موجود نہیں ہے اس لئے کئی طرح کی مشکلات کا سامنا کرنا پڑ رہا ہے۔
وہیں ٹیکہ کاری مراکز پر موجود کچھ لوگوں نے یہ بھی بتایا کہ کورونا کا ٹیکہ تو لے رہے ہیں لیکن کورونا گائیڈ لائن پر عمل نہیں کر رہے ہیں۔ جس سے آنے والے دنوں میں اس وبا کے پھیلنے کا بڑا خدشہ ہے حالانکہ کئی لوگوں نے کورونا گائیڈ لائن کی خلاف ورزی کو محکمہ صحت کی لاپرواہی بتایا۔
