اس موقع پر انیس کی اہلیہ نے ای ٹی وی بھارت کا شکریہ ادا کرتے ہوئے کہا کہ اس معاملہ کو اہمیت کے ساتھ منظرعام پر لانے میں ای ٹی وی بھارت کی کوششیں قابل قدر ہیں۔ نمائندے نے ہمارے لیے انصاف کی لڑائی لڑی۔ ہمارے معاملے کو سینیئر افسران تک پہنچایا جس سے ہمیں کافی حوصلہ اور طاقت ملا۔
دراصل دیوبند کے محلہ سرائے کہاران میں ایک زورآور سود خور نے انیس نامی شخص سے ڈیڑھ لاکھ کے عوض چھ لاکھ روپیے سے زائد کی رقم حاصل کرلی۔ یہاں تک کہ متاثر خاندان نے اپنا مکان تک فروخت کردیا، اس کے بعد بھی سود خور کی رقم متاثرہ شخص پر باقی رہی، جس کی وجہ سے اس نے انیس کو یرغمال بنا لیا۔
اس معاملے پر انیس کی اہلیہ آسما نے ای ٹی وی بھارت سے بات کرتے ہوئے کہا کہ اس کے شوہر انیس نے محلہ کے ایک شخص سے چھ برس قبل مکان گروی رکھ کر ایک لاکھ 35 ہزار روپے قرض لیا تھا۔
آسما نے بتایا کہ میرے شوہر مذکورہ شخص کو سود کی رقم ادا کرتے رہے لیکن پھر بھی 8 لاکھ 37 ہزار روپیے ادا نہیں ہوسکے۔ انہوں نے بتایا کہ انہوں نے اپنا رہائشی مکان فروخت کر کے مذکورہ شخص کو چھ لاکھ روپے ادا کئے لیکن اب اس نے پھر ان پر چھ لاکھ روپے بقایہ کردیئے ہیں۔
متاثرہ خاتون کا الزام ہے کہ سودخور نے ان سے سات لاکھ روپیے کا مطالبہ کرنا شروع کردیا اور رقم نہ ادا کرنے پر انیس کو ان کے ہی گھر میں یرغمال بنا لیا۔
آسما نے بتایا کہ جب وہ اور ان کی نند انیس کو چھڑانے پہنچیں تو سودخور نے انہیں یہ کہہ کر واپس کر دیا کہ 'پیسے لے آئیں اور انیس کو لے جائیں'۔
آسما کا الزام ہے کہ صرف سودخور نے انہیں پیٹا بھی اور ان کے ساتھ بدسلوکی بھی کی۔
متاثرہ خاتون کا الزام ہے کہ سودخور کے مظالم اور اذیت کے باعث اس کا کنبہ سڑک پر آگیا ہے اور وہ کسی طرح کرائے کے مکان میں رہ رہے ہیں۔
وہیں انیس کی بہن وسو نے ای ٹی وی بھارت کا شکریہ ادا کرتے کہا کہ ای ٹی وی بھارت کے ذریعہ میرے بھائی کو ملزموں سے نجاب ملی ہے جس کے لئے ہم دل سے آپ کا شکریہ ادا کرتے ہیں۔
ای ٹی وی کی متواتر خبرسں سے پولیس انتظامیہ سود خوری جیسے معاملات میں کافی مستعد ہو گئی ہے اس سلسلے میں ایس پی دیہات ودیاساگر مشرا نے دیوبند کے محلہ سرائے کہاران میں سود خوری سے متاثر خاندان کے معاملہ میں جانچ کی ہدایت دی ہے۔
ایس پی دیہات نے کہا کہ اگر جرم ثابت ہوا تو سودخور کے خلاف سخت قانونی کارروائی کی جائے گی۔
