اترپردیش: رکشا بندھن کے موقع پر خواتین کو وزیر اعلیٰ کا تحفہ

بھائی بہن کے تہوار رکشا بندھن کے موقع پر اترپردیش حکومت نے خواتین کو بڑا تحفہ دیتے ہوئے آج کے دن بسوں میں سفر کرنا مفت کر دیا ہے۔

اترپردیش کے وزیر اعلیٰ یوگی آدتیہ ناتھ نے رکشا بندھن کے تہوار پر خواتین کے لئے مفت بس خدمات شروع کر کے بڑا تحفہ دیا ہے۔

قابل ذکر ہے کہ گذشتہ برس بھی راکھی کے دن روڈ ویز کی سبھی طرح کی بسوں میں مفت سفر کی سوغات دی گئی تھی۔ مفت سفر دو اگست کی رات 12 بجے سے تین اگست کی رات 12 بجے تک کیا جا سکتا ہے۔

رکشا بندھن کے موقع پر خواتین کو وزیر اعلیٰ کا تحفہ

وزیر اعلی یوگی آدتیہ ناتھ نے سبھی اعلی افسران کو ہدایت دی ہے کہ رکشا بندھن کے موقع پر کووڈ 19 کے پروٹوکول کی خلاف ورزی نہیں ہونی چاہئے۔

واضح رہے کہ رکشا بندھن کے دن مفت سفر کی شروعات تین برس قبل ہوئی تھی، جو بدستور جاری ہے۔ حالانکہ امسال کورونا وبا کے چلتے زیادہ سفر کرنا خطرناک ہے کیونکہ مفت سفر میں مزید بھیڑ ہو سکتی ہے۔