بنارس میں بنکر برادرانہ تنظیم چودہوں کے سردار مقبول حسن نے ایک بیان جاری کرتے ہوئے بتایا کہ اترپردیش نے بنکروں کا مطالبہ مان لیا ہے، لہذا کل سے ہڑتال ختم کی جاتی ہے۔
واضح رہے کہ بنارس سے شروع ہوئی بنکروں کی ہڑتال میں مرکزی مطالبہ کیا گیا تھا کہ ان کو فلیٹ ریٹ پر ہی بجلی دی جائے، نہ کہ یونٹ ریٹ پر۔ لہذا پندرہ روز سے قبل ہی ان کا مطالبہ مان لیا گیا ہے۔
بنکروں کو پاورلوم کے لیے فلیٹ ریٹ پر 65 تا 72 روپے ماہانا بجلی بل ادا کرنا ہوتی ہے۔ جنوری 2020 میں اترپردیش کی یوگی حکومت نے اس سبسڈی کو ختم کرنے کا اعلان کیا تھا، تب سے بنکر اس مسائل کو لے کر اپنی صدائے احتجاج بلند کر رہے تھے۔
یکم ستمبر کو بنکر تنظیموں نے ریاستی سطح پر ہڑتال کی کال دی اور پندرہ روز تک کوئی بھی بنارسی ساڑی سے متعلق کام نہ کرنے کی بنکروں سے اپیل کی۔ ساتھ ہی ان کا کہنا تھا کہ اگر ان کا مطالبہ نہیں مانا گیا تو پندرہ روز بعد وہ اپنے بجلی میٹر کو کاٹنے کے لیے بجلی محکمے کو درخواست دیں گے۔
