اوریا: ریاست اترپردیش کے ضلع اوریا کے دبیا پور علاقے میں بھتیجے کا اغوا کر کے پھروتی طلب کرنے والے کلیدی ملزم سمیت چار افراد کو پولیس نے گرفتار کر کے بچے کو بحفاظت بچا لیا ہے۔ پولیس ذرائع نے بتایا کہ تھانہ دبیا پور کی چوکی کنچوسی علاقے کے گاؤں کنار پور باشندہ آلوک دوبے کا پانچ سال کا بیٹا ابھینو(یوگ) بدھ کی صبح گھر کے باہر کھیلتے وقت لاپتہ ہوگیا تھا۔ کچھ دیر بعد بچے کے نزدیک رہائی کے عوض میں 20 لاکھ روپئے کا مطالبہ کیا گیا۔ ایس پی چارو نگم نے بتایا کہ اغوا اور پھروتی کی جانکاری ملنے کے بعد فورا ایس او جی سمیت مختلف ٹیموں کی تشکیل کر اغوا کنندگان کے ذریعہ کئے گئے فون کے نمبر سے کڑی جوڑتے ہوئے بدھ کی دیر رات کاس گنج ضلع سے ایک خاتون، وجئے کمار عرف کنہیا اور راہل کو گرفتار کر ان کے پاس سے اغوا بچے کو باز یاب کرا لیا گیا تھا۔
وہیں کلیدی ملزم اور اغوا شدہ کے والد آلوک کے چچازاد بھائی وشال کو پولیس نے جمعرات کو ایروا کٹرا علاقے میں ایک مختصر مڈھ بھیڑ کے بعد گرفتار کرلیا۔ پولس نے 12 گھنٹے کے اندر رات تقریباً 1 بجے کاس گنج ضلع سے معصوم کو برآمد کر لیا۔ دوسری جانب جمعرات کی صبح اغوا کا ماسٹر مائنڈ اور آلوک دوبے کا چچا زاد بھائی ایروکاترا علاقے میں چھپا ہوا تھا، پولیس نے اسے بھی گھیر لیا۔ جس کے بعد وشال دوبے نے پولیس پر گولی چلا دی۔ اسی دوران پولیس کی جوابی فائرنگ میں وشال کی ٹانگ پر چوٹ لگ گئی جس کے بعد پولیس نے اسے حراست میں لے لیا۔
یہ بھی پڑھیں: Delhi Girl Kidnapped Video Viral لڑکی کو اغوا کرنے کا ویڈیو وائرل
یو این آئی
