اترپردیش کے امروہہ ضلع کے تھانہ دھنورا علاقے میں لاک ڈاؤن کے دوران پولیس کو ڈیوٹی پر تعینات کیا گیا تھا۔ اسی دوران دھنورا سے نوگاوا روڈ اور ایک سنٹرو کار بہت تیزی سے جارہی تھی کہ پولیس نے اسے رکنے کا اشارہ کیا لیکن کار بریکیڈ توڑتے ہوئے فرار ہوگئی۔
پورے واقعے کا انکشاف کرتے ہوئے ایس پی وپن ٹڈا نے بتایا کہ پولیس نے کار کو نوگاوا روڈ پر نہر کے قریب پیچھا کرنے کے بعد روک لی۔ اس کے بعد پولیس پر کار سوار شرپسندوں نے فائرنگ شروع کردی۔
جوابی کارروائی میں پولیس نے کار سواروں پر فائرنگ کردی۔پولیس کی جوابی کارروائی میں ایک بدمعاش زخمی ہو گیا۔زخمی بدمعاش کی شناخت نفیس کے طور پرہوئی جو 25 ہزار کا انعامی بدمعاش ہے۔زخمی شرپسند کوضلع ہسپتال میں داخل کرایا گیا ہے۔
جبکہ نفیس کے دو ساتھی اندھیرے کا فائدہ اٹھا کر فرار ہونے میں کامیاب ہو گئے۔ مفرور شرپسندوں کی تلاش جاری ہے لیکن اب تک کوئی سراغ ہاتھ نہیں لگا ہے ۔
گاڑی کی تلاشی کے دوران پولیس کو کار میں گئے کا بچہ ملا ہے۔ شبہ ہے کہ گائے کے اسمگلر مویشیوں کو کاٹنے کے لئے جنگل میں لے جارہے تھے۔
