اترپردیش اے ڈی جی لاء اینڈ آرڈر پرشانت کمار نے اتراکھنڈ اور نیپال کے سرحدی تنازعہ کے بارے میں پولیس سے چوکس رہنے کو کہا ہے۔ دوسری طرف بہار میں سیتا مڑھی اور نیپال کی سرحد پر پرتشدد تصادم کے بعد کچھ پولیس اہلکار کو لگایا گیا ہے۔
آپ کو بتادیں کہ جمعہ کے روز بھارت نیپال سرحد پر بھارتی سرزمین کے لوگوں اور نیپال پولیس کے مابین ایک جھڑپ ہوئی تھی جس میں نیپال کی مسلح پولیس نے فائرنگ کی جس سے ایک ہندوستانی نژاد شہری ہلاک اور متعدد زخمی ہوگئے۔ اس کے بعد نیپال کی سرحد پر تناؤ بڑھ گیا ہے جس پر اترپردیش سے متصل تمام اضلاع کے لئے الرٹ جاری کردیا گیا ہے۔
نیپال کے اپنے نقشے میں اتراکھنڈ کے علاقے کو ظاہر کرنے کے معاملے پر بھی ہندوستان اور نیپال کے مابین تناؤ ہے۔ جس طرح نیپال نے اترا کھنڈ کا کچھ حصہ اپنے نقشے میں شامل کیا ہے اس سے نیپال کا ارادہ ظاہر ہوتا ہے کہ وہ اتراکھنڈ کے کچھ حصے کو اپنا بنانے کی کوشش کر رہا ہے۔ ہندوستان اور نیپال کے مابین تناؤ کی صورتحال اس معاملے کو لے کر بھی ہے۔ اس کشیدہ صورتحال کے درمیان اتر پردیش پولیس نے نیپال سے ملحقہ تمام اضلاع میں الرٹ ظاہر کیا ہے۔
نیپال کے ملحقہ تمام اضلاع کی سرحد اترپردیش کی سلامتی کے لئے اہم ہے کیونکہ دہشت گرد اتر پردیش میں داخل ہونے کے لئے نیپال کی سرحد کو استعمال کرتے ہیں۔
اترپردیش پولیس نے نیپال کے راستے اترپردیش میں داخل ہونے والے متعدد دہشت گردوں کے خلاف کارروائی کی ہے۔ دہشت گردی کی کارروائیوں کو روکنے اور مجرموں کو نیپال فرار ہونے سے روکنے کے لئے اتر پردیش پولیس خاص طور پر نیپال سرحد پر چوکس ہے۔
