ریاست اترپردیش میں ہونے والے ٹیچرس الیجبلٹی ٹیسٹ 2019 کے الجبلٹی امتحانات دو مرحلوں میں کرائے گئے۔ پہلے مرحلے میں صبح 10 بجے سے ایک بجے تک پرائمری سطح کے امیدواروں کا امتحان ہوا جبکہ دوسرے مرحلے میں دوپہر دو بجے سے پانچ بجے تک ہونے والے امتحان میں جونئر درجات کے ٹیچر بننے والے امیدواروں نے امتحان دیا۔
پہلے مرحلے میں ہونے والے پرائمری سطح کے اس امتحان میں ضلع بھر سے 7ہزار 646 جبکہ دوسرے مرحلے میں جونئر سطح کے امتحان میں 3 ہزار 926 امیدواروں نے امتحان دیے۔ اس طرح کل 11 ہزار 572 امیدواروں نے یہ امتحانات دیے۔ امتحان کے لئے ضلع بھر میں 16 مراکز بنائے گئے تھے۔ اس دوران سکیورٹی کے بھی سخت انتظامات کئے گئے تھے۔
وہیں اس درمیان کچھ امیدوار ایسے بھی نظر آئے جن کی شکایت یہ تھی کہ امتحان شروع ہونے کے 10 بعد وہ پہنچے تو ان کو امتحان گاہ میں داخل نہیں کیا گیا۔ جس کی وجہ سے ان کا یہ امتحان چھوٹ گیا۔
