لکھنؤ: اترپردیش اردو اکادمی کی جانب سے ایک میٹنگ کا انعقاد کیا گیا جس میں اکادمی کے تمام عہدیداروں نے شرکت کی اور اردو کے فروغ و اشاعت کے لیے متعدد پہلوؤں پر تبادلہ خیال کیا۔ UP Urdu Academy Meeting Organised
میٹنگ اکادمی کے چیئرمین کیف الوری کی صدارت میں منعقد ہوئی، میٹنگ میں تمام ممبران کے اتفاق رائے سے مشاورتی کمیٹی کو ختم کیا گیا۔ ساتھ ہی آئی اے ایس کوچنگ سینٹر میں نئے ڈائریکٹر کی تقرری پر غور و خوض بھی کیا گیا، تمام اراکین کو دو اردو کوچنگ سینٹر کی نگرانی و لائبریری کے قیام کا بھی اختیار دیا گیا۔
اس حوالے سے اکادمی کے چئیر مین کیف الوری نے ای ٹی وی بھارت سے بات کرتے ہوئے کہا کہ 'خوشگوار ماحول میں میٹنگ منعقد ہوئی اور تمام اراکین نے اردو کے فروغ کے لیے مل کر کام کرنے پر اتفاق کیا۔ UP Urdu Academy Meeting Organised
مزید پڑھیں:
کمیٹی کے رکن پروفیسر آفتاب احمد افاقی نے بتایا کہ موجودہ دور امرت مہوتسو کا ہے۔ ایسے میں اکادمی نے مجاہدین آزادی کی حیات و خدمات پر مبنی سمینار منعقد کرانے کا فیصلہ کیا ہے، ساتھ ہی گھر گھر ترنگا مہم کے تحت اکادمی کے طرف سے ترنگا یاترا بھی نکالی گئی ہے۔ انہوں نے کہا کہ موجودہ دور میں اردو کو عوام سے جوڑنا بہت ہی اہم ہے، تبھی اس کا فروغ ممکن ہے۔
