خیال رہے کہ پاپولر فرنٹ آف انڈیا ایک سماجی تنظیم ہے جبکہ سوشل ڈیموکریٹک پارٹی ایک سیاسی جماعت ہے۔
ایس ڈی پی آئی اور پی ایف آئی کی جانب سے مشترکہ طور پر ملک گیر سطح پر 'بے خوف جیو باعزت جیو' کے تحت ایک ماہ کا پروگرام چلایا جا رہا ہے۔
میرٹھ میں اس کے تحت ایک پریس کانفرنس کیا گیا جہاں اترپردیش پولیس نے پانچ افراد کو حراست میں لے لیا ہے۔
اقلیتی طبقے کے پانچ افراد حراست میں
اس سلسلے میں پولیس کی جانب سے کسی قسم کی کوئی بات میڈیا سے نہیں کی گئی ہے۔
اس دوران میڈیا کو بھی پولیس افسران نے کوئی بھی معلومات دینے سے انکار کیا ہے اس سے دو دن قبل پوسٹر لگانے پر پاپولر فرنٹ آف انڈیا کے دو کارکنان کو حراست میں لیا گیا تھا.
پی ایف آئی اور ایس ڈی پی آئی کے مقامی ذمہ داران یہ سمجھنے سے قاصر ہیں کہ ان کو کس جرم میں یا کس شک کی بنیاد پر حراست میں لے کر پوچھ گچھ کی جا رہی ہے.
