ہاتھرس: ہاتھرس کی بیٹی مسکان اگروال کو انڈین انسٹی ٹیوٹ آف انفارمیشن ٹیکنالوجی (آئی آئی ٹی) اونا سے بی ٹیک کرنے کے بعد 60 لاکھ روپے کا سالانہ پیکیج ملا ہے۔ یہ پیکیج انہیں معروف آئی ٹی کمپنی لنکڈ اِن نے دیا ہے۔ ساتھ ہی ان کے نام ایک اور کارنامہ شامل ہو گیا ہے، 60 لاکھ روپے کا پیکیج حاصل کرکے وہ ہندوستان کی ٹاپ پیڈ ویمن کوڈر بھی بن گئی ہیں، جنہیں اتنا بڑا پیکیج ملا ہے۔
مسکان اگروال نے ہائی اسکول اور انٹرمیڈیٹ کی تعلیم سینٹ فرانسس اسکول، ہاتھرس سے حاصل کی۔ انہوں نے سال 2015-16 میں ہائی اسکول کا امتحان پاس کیا، جس میں انہوں نے 10.0 سی جی پی اے حاصل کیا۔ ساتھ ہی انہوں نے 12ویں میں 92.4 فیصد نمبر حاصل کیے تھے۔ اس کے بعد انہوں نے اعلیٰ تعلیم کی تیاری شروع کی، جس کے لیے وہ راجستھان کے شہر کوٹا بھی گئیں اور جے ای ای کا ناٹرنس امتحان دیا۔ جہاں انہیں انڈین انسٹی ٹیوٹ آف انفارمیشن ٹیکنالوجی اونا میں داخلہ ملا۔ انہوں نے بیچلر آف ٹیکنالوجی (بی ٹیک) الیکٹرانکس اینڈ کمیونیکیشن انجینئرنگ کی تعلیم حاصل کی۔
مسکان کو سال 2019 میں آئی آئی ٹی اونا میں داخلہ ملا۔ انہوں نے 2023 میں بی ٹیک کی تعلیم مکمل کی۔ اپنی تعلیم مکمل کرنے کے بعد، انہوں نے لنکڈ اِن میں سافٹ ویئر ڈویلپمنٹ انجینئر انٹرن کے طور پر کام کیا۔ اب وہ اسی کمپنی میں بطور ایس ڈی ای مقرر ہوئی ہیں۔ فی الحال ان کا منصوبہ اسی میں آگے بڑھنے کا ہے۔ مسکان نے مستقبل میں موقع ملنے پر مزید تعلیم حاصل کرنے کی خواہش بھی ظاہر کی۔
یہ بھی پڑھیں:
- ہاتھرس اجتماعی عصمت دری معاملے میں ایک کو عمرقید، تین بری
- یوگی سے خواتین کو انصاف کی امید نہیں: پرینکا
بی ٹیک کی تعلیم کا اپنا تجربہ بتاتے ہوئے مسکان نے کہا کہ جب انہوں نے کالج جوائن کیا تو 6 ماہ بعد ہی لاک ڈاؤن شروع ہو گیا تھا۔ چنانچہ دوسرے سال اور تیسرے سال کا بیشتر حصہ گھر پر ہی گزرا۔ لیکن سال اول کے 6 ماہ اور آخری سال کا ایک سال، مجموعی طور پر کالج کا ڈیڑھ سال اچھا رہا۔ مسکان کی یہ کامیابی ہاتھرس کے لوگوں کے میں کافی خوشی کا ماحول ہے، یقینا اس سے لوگوں کو حوصلہ ملتا ہے کہ اگر طلبہ چاہیں تو وہ تھوڑی سی محنت سے بہت کچھ حاصل کر سکتے ہیں۔
