ریاست اترپردیش کے دارالحکومت لکھنؤ میں وزیراعلیٰ یوگی آدتیہ ناتھ نے اعلان کیا ہے کہ ریاست کے تسلیم شدہ صحافیوں کو ہر سال پانچ لاکھ روپے کا ہیلتھ انشورنس تحفظ دیا جائے گا، جس کے لیے تصدیق شدہ صحافیوں کو اپنی تاریخ پیدائش 28 اکتوبر تک فراہم کرنی ہوگی۔
وزیراعلیٰ یوگی آدتیہ ناتھ نے کہا کہ میڈیا محکمہ انفارمیشن اور گورننس و انتظامیہ کے کام کو پہنچانے کے لیے ایک پُل کی طرح کام کرتا ہے۔
اس لیے ریاست کے تسلیم شدہ صحافیوں کو ریاستی حکومت ہر برس پانچ لاکھ روپے کا ہیلتھ انشورنس تحفظ فراہم کرے گی۔
وزیراعلیٰ یوگی آدتیہ ناتھ نے کہا کہ اس کے لیے صحافیوں کو اپنی پیدائش کی تاریخ 28 اکتوبر تک فون نمبر 9453005360 اور 9450300635 پر فراہم کرنی ہوگی۔
انہوں نے کہا کہ اس کے علاوہ صحافی اپنی تاریخ پیدائش پریس محکمے کے ای میل informationpress2017@gmail.com پر بھی بھیج سکتے ہیں۔
ان کا کہنا ہے کہ اہم بات یہ ہے کہ ملک بھر میں کورونا واریئرز کی حیثیت سے صحافیوں نے بھی اپنی خدمات انجام دی ہیں جبکہ بہت سے صحافی کورونا انفیکشن کے باعث ہلاک بھی ہوئے ہیں، اسی صورتحال کو پیش نظر رکھتے ہوئے ریاستی حکومت نے تسلیم شدہ صحافیوں کے لیے یہ فیصلہ کیا ہے۔
