بجنور: ریاست اترپردیش کے ضلع بجنور میں جوگیرامپوری درگاہ روڈ، نجیب آباد، میں مدرسہ جامعہ زینب کا سنگ بنیاد رکھا گیا۔ سنگ بنیاد معروف شیعہ رہنما آغا شیخ مہدوی پور نے رکھا۔ اس موقع پر ایک مختصر تقریب کا بھی اہتمام کیا گیا تھا۔ الہدی تعلیم جن کلیان سنستھا کے ڈائریکٹر مولانا حامد حسن مرتضیٰ نے بتایا کہ ’’اس مدرسہ ادارے کی نگرانی میں لڑکیوں کو بہتر تعلیم اور سماجی اصلاح اور ازدواجی زندگی کو کامیاب بنانے کے لیے تعلیم دی جاتی ہے۔‘‘ Bijnor Jamia Zainab for Girls
مولانا نے بتایا کہ ’’اس وقت مدرسہ میں 5 اساتذہ کے ذریعہ 33 لڑکیوں کو تعلیم دی جا رہی ہے، جن کے رہنے اور کھانے کے اخراجات تنظیم برداشت کر رہی ہے، اس وقت مدرسہ کرایہ کی عمارت میں چل رہا ہے۔‘‘ Jamia Zainab laid in Bijnor for Girls
آیت اللہ شیخ مہندی پور نے اپنے خطاب میں کہا کہ ’’ایک آدمی کو تعلیم دینا صرف ایک فرد کو تعلیم دینا ہے جبکہ ایک بچی کو تعلیم دینا پورے معاشرے کو تعلیم فراہم کرنے کے برابر ہے، اگر بچی تعلیم یافتہ ہو گی تو وہ ایک اچھی بیٹی، اچھی بیوی اور اچھی ماں بنے گی اور معاشرے اور ملک کی ترقی میں اپنا کردار ادا کرے گی۔‘‘ انہوں نے مزید کہا کہ ’’بچیوں کی تعلیم اور انسانیت کی بہتری ایک عظیم مقصد ہے، خاندان کا سربراہ تعلیم یافتہ ہوگا تو ہی ملک اور معاشرہ ترقی کرے گا۔‘‘
مزید پڑھیں: Foundation Stone of Madrasa in Rajouri: تھنہ منڈی، راجوری میں دینی مدرسہ کا سنگ بنیاد
اس موقع پر مولانا قمر حسنین، درگاہ سیکریٹری محمد عباس، شریک سیکریٹری قاسم عباس، سابق سیکریٹری میصل مہندی، شیعہ وقف بورڈ کے سابق رکن ڈاکٹر گلشن بجنوری، مولانا ذیشان، مولانا سید مہندی، مولانا روشن، مولانا غازی، مولانا غلام عباس اور دیگر بھی موجود تھے۔ مولانا حسن علی، وقار عابدی، پردھان پتی محمد ہارون، شجر عباس، حاجی حنیف وغیرہ موجود تھے۔
