یوپی بورڈ نے ہائی اسکول اور انٹرمیڈیٹ امتحانات کی کاپیاں 5 مئی کو چیک کرنے کا حکم جاری کیا تھا۔ لیکن وارانسی ریڈ زون میں تھا اس وجہ سے یہاں کاپی جانچنے کا کام شروع نہیں ہو پایا تھا۔ آج سے یہ کام شروع ہوگیا ہے۔
ضلعی افسران نے اس سلسلے میں بتایا کہ کاپیاں چیک کرنے کے لیے وارانسی میں کل چار مرکز بنائے گئے ہیں جس میں ایک سینٹر میں انٹرمیڈیٹ کی کاپیاں چیک کی جائیں گی اور دو سینٹر میں ہائی اسکول کی کاپیاں چیک کی جائیں گی، جبکہ ایک مرکز میں انٹرمیڈیٹ اور ہائی اسکول امتحانات دونوں کی کاپیاں چیک کرنے کا کام کیا جائے گا۔
پانچ لاکھ 70 ہزار کاپیاں چیک کرنے کے لیے آئی ہیں جس کا 12 فیصد کام ہو چکا ہے۔ کورونا کی وجہ سے کاپیاں جانچنے والے ٹیچروں کی تھرمل اسکریننگ کی گئی ہے۔ سوشل ڈسٹینسنگ کا خیال کیا گیا ہے اور 25000 ٹیچروں کی جگہ صرف 600 ٹیچروں کو ہی کاپیاں جانچنے کے لیے منتخب کیا گیا ہے۔
