اناؤ واقعہ: اکھلیش کا اسمبلی کے سامنے احتجاج

اترپردیش کے ضلع اناؤ میں جنسی زیادتی کی متاثرہ کو ملزمین کے ذریعہ زندہ جلانے کی کوشش اور علاج کے دوران متاثرہ کے دم توڑنے کے بعد اپوزیشن ریاستی حکومت پر سخت نکتہ چینی کررہے ہیں۔

سماج وادی پارٹی کے صدر اکھلیش یادو نے متاثرہ کی روح کی تسکین کے لئے دو منٹ کی خاموشی اختیار کی اور اسمبلی کے سامنے دھرنے پر بیٹھ گئے۔

ان کے ساتھ ایس پی کے ریاستی صدر نریش اتم اور سابق وزیر راجیندر چودھری بھی موجود ہیں۔

وہیں دوسری جانب دو دن کے اترپردیش کے دورے پر آئیں کانگریس جنرل سکریٹری پرینکا گاندھی واڈرا اناؤ روانہ پہنچ گئی ہیں محترمہ واڈرا متأثرہ کے اہل خانہ سے ملاقات کریں گی۔ دہلی سے متاثرہ کی لاش شام آخری رسومات کی ادائیگی کے لئے اناؤ لائی جائےگی۔

دھرنے پر بیٹھے اکھلیش یادو نے کہا کہ ریاست میں روز کہیں نہ کہیں خواتین کے ساتھ کچھ غلط ہورہا ہے اور ریاستی حکومت اسے روک پانے میں ناکام ہیںْ

اترپردیش میں نظم ونسق کی حالت کافی خراب ہے۔

کانگریس جنرل سکریٹری نے کہا کہ اب وقت آگیا ہے کہ خواتین بیدار ہوں اور اپنے حقوق کے لئے آگے آئیں۔