مال میں سینیٹائزیشن کے علاوہ سماجی فاصلے كو یقینی بنانے کے لیے بھی خاص انتظامات کیے گئے ہیں۔ ان سب کے باوجود مال میں بہت کم تعداد میں خریدار پہنچے۔
میرٹھ ضلع انتظامیہ نے آج سے شہر کے کنٹینمنٹ اور بفر زون کے باہر شاپنگ مال کھولنے کی اجازت دے دی ہے۔ ڈھائی ماہ بعد کھلے میرٹھ کے سب سے بڑے شوپرایکس شاپنگ مال میں خریداروں کی تعداد کم ہی دیکھنے كو ملی، وہیں مال میں قریب 40 فی صد ہی دکانیں کھلیں۔
مال کے ذمہ داران کا ماننا ہے کہ آج پہلا دن ہونے کی وجہ سے دکانیں کچھ کم کھلی ہیں۔ لیکن انہیں امید ہے کہ آنے ولے دنوں میں مال میں دکانوں کے ساتھ ہی خریداروں کی بھیڑ بھی دیکھنے كو ملے گی۔
میرٹھ کے شوپرایکس مال كو ڈھائی ماہ بعد کھولے جانے کے بعد عوام میں خوشی تو ہے لیکن كورونا کے ڈر كو بھی نظر انداز نہیں کیا جا سکتا۔ میرٹھ کے مال اور بازاروں میں انتظامیہ کی گائڈ لائن پر عمل کرنا ہوگا تبھی ہم خریداری کے ساتھ ہی اس كورونا وبا سے بچ سکتے ہیں۔
