مظفر نگر: یونیفارم سول کوڈ کے ڈرافٹنگ سے پہلے ہی ملک بھر میں اس کو لے کر سیاست تیز ہوگئی ہے۔ اب یکساں سول کوڈ کی حمایت میں مرکزی وزیرِ ڈاکٹر سنجیو بالیان کاوڑ یاترا پر نکل پڑے ہیں۔ موسلا دھار بارش کے باوجود ان کا سفر جاری ہے۔ مرکزی وزیر مملکت سنجیو بالیان 4 دنوں میں تقریب 82 کلومیٹر کا پیدل سفر کریں گے اور 14 جولائی کو مظفّر نگر کے شیو چوک پہچ کر شیو کا جلابھیشيك کریں گے۔ مرکزی وزیر ڈاکٹر سنجیو بالیان نے کہا کہ کاوڑ اٹھانے کی میری بچپن سے خواہش تھی، جو اب 51 سال کی عمر میں جاکر پوری ہو رہی ہے۔
پیدل کاوڑ یاترا کے دوران یو سی سی کے بارے میں پھیلائی جا رہی غلط فہمیوں کو دور کریں گے، کیونکہ کاوڑ یاترا لوگوں تک اپنا پیغام پہنچانے اور لوگوں کو بیدار کرنے کا بہترین ذریعہ ہے۔ مرکزی وزیر نے کہا کہ سب سے پہلے اتراکھنڈ کے وزیر اعلیٰ پشکر دھامی نے یو سی سی کو لے کر کوششیں کیں ہیں۔ اب ہماری کوشش ہے کہ اتراکھنڈ کے بعد پورے ملک میں یو سی سی کو لاگو کیا جائے۔
