ریاست اترپردیش کے ضلع مظفر نگر کے مصروف ترین علاقے صدر بازار میں واقع دو ریڈی میڈ کپڑے کی دکانوں میں چوروں نے رات کے اندھیرے میں لاکھوں کی نقدی پر ہاتھ صاف کیا ایک ہی جگہ پر دو دکانوں میں چوری کی واردات پیش آئی پولیس نے موقع پر پہنچ کر معاملے کی جانچ شروع کر دی۔
مظفرنگر کے تھانہ سیول لائن کے مصروف ترین علاقے صدر بازار میں واقع ریڈی میڈ کپڑے کی دو دکانوں سے چوروں نے لاکھوں کی نقدی چوری کی ۔
واردات سی سی ٹی وی کیمرے میں قید ہوگئی۔ جب صبح کے وقت دوکانوں کے مالکان نے اپنی اپنی دکانوں کو کھولا اور نقدی نہیں ملنے سے وہ پریشان ہو گئے۔ دونوں دکانوں سے لاکھوں کی نقدی غائب تھی۔ اس کی اطلاع پولیس کو دی گئی۔ پولیس نے موقع پر آکر سی سی ٹی وی فوٹیج کو چیک کیا تو رات ایک نامعلوم چور دکان کے اوپر بنی کھڑکی کو توڑ کر اندر داخل ہوا اور چوری کی واردات کو انجام دے کر وہیں سے فرار ہو گیا۔ تاجروں کا کہنا ہے کہ اس سے قبل بھی چوری کی واردات ہو چکی ہے۔ پولیس نے اس واردات کا جلد ہی انکشاف بھی کر دیا تھا۔ مسلسل ہو رہی چوری کی واردات سے تاجروں نے غم و غصے کا اظہار کیا اور کہا کی چوری کی وارداتوں کو روکا جائے۔
