اترپردیش میں لکھنؤ کے چنہٹ علاقے میں آج آکسیجن پلانٹ پر گیس بھرتے وقت اچانک سلنڈر پھٹنے سے دو افراد کی موت ہو گئی جبکہ دیگر کئی زخمی ہو گئے۔
پولیس ذرائع نے یہاں یہ اطلاع دی۔ چنہٹ علاقے میں دیوا روڈ پر واقع کے ٹی آکسیجن پلانٹ میں گیس بھرتے وقت اچانک سلنڈر پھٹ گیا۔ حادثے میں ایک پلانٹ اہلکار سمیت دو افراد کی موت ہو گئی۔ اس حادثے میں کئی افراد کے زخمی ہونے کی اطلاع ہے۔
انہوں نے بتایا کہ حادثے کی اطلاع ملتے ہی پولیس اور انتظامیہ کے افسران موقع پر پہنچ گئے ہیں۔ زخمیوں کو اسپتال بھیج دیا گیا ہے۔
یو این آئی
