بینک ملازمین کا دو روزہ احتجاج

ریاست اترپردیش کے ضلع بہرائچ کے تمام بینک ملازمین دو روزہ احتجاجی مظاہرہ کر رہے ہیں۔

ملک کے تمام بینک ملازمین نے تقریبا ایک درجن سے زائد مطالبات کو لے کر دو روزہ احتجاج شروع کیا ہے۔

بینک ملازمین کا مطالبہ ہے کہ مرکزی حکومت نے نومبر 2017 میں تنخواہ کے حوالے سے جو طئے شدہ معاہدہ کیا تھا اس پر عمل درآمد نہیں ہوا ہے۔

وہیں سرکاری شعبے کے تمام بینکوں کو دوسرے بینکوں سے متحد کردیا گیا ہے جس کی وجہ سے بینک ملازمین سمیت عوام کو پریشانی کا سامنا کرنا پڑرہا ہے۔ بینک کارکنوں کا کہنا ہے کہ مرکزی حکومت نے ایک درجن سے زائد مطالبات پر کوئی خاص غور و فکر نہیں کیا ہے۔ ہم چاہتے ہیں کہ حکومت ہمارے مطالبات کو مکمل کرے۔

اس دو روزہ بینک ہڑتال کے باعث بینک اکاؤنٹ ہولڈرز کو کافی پریشانی کا سامنا کرنا پڑے گا۔