ریاست اتر پردیش کے تمام اضلاع کے طرح میرٹھ میں بھی چوری چورا سانحہ کی سو سالہ تقریب کے موقع پر شہر میں مختلف جگہوں پر تقریب کا اہتمام کیا گیا۔ جس میں مجاہد آزادی کے سپاہیوں کے گھر والوں کا اعزاز دیا گیا۔ ساتھ ہی ان شہیدو کو خراج عقیدت پیش کر تے ہوئے جوش و خروش کے ساتھ تقریب کا اہتمام کیا جا رہا ہے۔
چوری چورا سانحہ کی صد سالہ تقریب دیگر اضلاع کی طرح ضلع میرٹھ میں بھی منائی جا رہی ہے۔ صدر سالہ تقریبات کے موقع پر شہر میں مختلف مقامات پر شہداء کو خراج عقیدت پیش کیا گیا۔
اس موقع پر میرٹھ کے شہید اسمارک پر شہیدوں کو خراج پیش کرتے ہوئے ان کے اہل خانہ کو عقیدت کے طور ایک پودہ بھی تقسیم کیا گیا۔
اس موقع پر ضلع انتظامیہ کی جانب سے منعقد کیے گئے پروگرام سے عوام میں آزادی کی اہمیت کو بیان کرنے کے ساتھ ہی ان شہدا کی قربانیوں کو یاد کرنے کی ضرورت پر روشنی ڈالی۔
مزید پڑھیں:
لاک ڈاؤن کے بعد کیا نونہالوں کیلئے دوبارہ اسکول جانا آسان ہوگا؟
واضح رہے کہ 4 فروری 1921 میں ضلع گورکھپور کے چوری چورا میں مجاہدین آزادی نے انگریزوں کے ظلم کے خلاف آواز بلند کرتے ہوئے تھانہ میں آگ لگا دی تھی۔ اسی سانحہ کو یاد کرتے ہوئے مرکزی حکومت کی جانب سے جاری ہدایت پر اس واقعہ کے 100 برس مکمل ہونے پر صد سالہ تقریبات کا اہتمام کیا جائیگا تاکہ نئی نسل میں مجاہدین کی قربانیوں کو بتایا جا سکے۔
