اس دوران مقامی اور ہریت کسان سمیتی کے کارکنوں نے ہزاروں پودے لگائے۔ ہریت کسان سمیتی اس قسم کے شجرکاری پروگرام کا انعقاد ہر سال کرتی ہے۔ اس سال سیکٹر 135 میں 5 ہزار پودے لگائے گئے ہیں۔ سمیتی کے رکن مانویندر سنگھ نے کہا کہ 'یہاں تقریباً 200 خاندان اور 10 ہزار غریب رہائش پذیر ہیں۔ ایسے میں انہیں روزگار ملے گا۔
اس کے ساتھ ساتھ پودے لگانے سے ماحولیات کو فائدہ ہوگا، ہم دہلی این سی آر میں آلودگی کی بڑھتی ہوئی سطح کو مسلسل دیکھ رہے ہیں، ایسی صورت حال میں صرف شجرکاری ہی ہمیں صحت مند رکھ سکتی ہے۔
مزید پڑھیں: مغربی ترکی میں مسافر بس الٹنے سے 14 افراد ہلاک
انہوں مزید کہا کہ ہم گزشتہ بیس برسوں سے یہ کام کررہے ہیں اور اس کے تحت ہزاروں پودے لگاچکے ہیں۔ ہمارے ساتھ علاقائی عوام بھی جڑتے جارہے ہیں۔ درختوں کی وجہ سے فضائی آلودگی میں نمایاں کمی واقع ہوگی، جو صحت کے لیے انتہائی سود مند ثابت ہوگی۔
