ریاست اترپردیش کے ضلع مئو میں وبائی بیماری کورونا وائرس سے متاثرہ افراد کی تعداد میں روز بروز اضافہ ہوتا جا رہا ہے۔ حکومت بھی اس کوشش میں ہے کہ زیادہ سے زیادہ علاقوں میں کووڈ 19 ٹیسٹ کرایا جائے تاکہ اصل صورتحال کا اندازہ لگایا جا سکے۔
اترپردیش حکومت کی ہدایت کے بعد محکمہ صحت نے مئو ضلع میں بھی کووڈ 19 ٹیسٹ کے لیے ٹیموں کی تشکیل کر دی ہے۔ دیہی علاقوں کے لیے بھی تین ٹیمیں خصوصی طور پر تشکیل دی گئی ہیں۔ یہ تمام میڈیکل ٹیمیں جدید آلات سے آراستہ ہیں۔
ہر ٹیم میں ماہرین ڈاکٹرز کی ایک ٹیم، پیتھالوجسٹ و دیگر اہلکار موجود ہیں۔ ان ٹیموں کو کووڈ 19 ٹیسٹ کٹ مہیہ کرائی گئی ہیں۔ اس کی مدد سے یہ مکمل جانچ کرتے ہیں۔ جانچ کے بعد ڈیٹا اعلیٰ تحقیقاتی اداروں کو بھیج دیا جاتا ہے۔
دیہی علاقوں میں کووڈ 19 ٹیمیں گھر گھر جا کر ٹیسٹ کر رہے ہیں۔ ہر گھر میں موجود ممبران کی لسٹ تیار کی جا رہی ہیں۔ کووڈ 19 ٹیسٹ کے لیے جدید تکنیک کا استعمال کیا جا رہا ہے۔
ڈاکٹروں کے مطابق مئو ضلع کے ہر گاؤں کی لسٹ تیار ہو چکی ہے۔ آشا ورکرز کی مدد سے سبھی باشندوں کا کووڈ 19 ٹسٹ کرایا جائے گا۔
