مظفرنگر میں کورونا کے تین نئے کیسز

ضلع مظفر نگر میں کورونا وائرس کے تین نئے کیسز سامنے آئے ہیں۔ یہ تینوں مریض مہاراشٹر کے مزدور ہیں۔

ریاست اترپردیش کے ضلع مظفر نگر میں پیر کے روز کورونا وائرس کے 139 نمونوں کی جانچ کی گئی جس میں تین مریض مثبت پائے گئے ہیں۔

واضح رہے کہ یہ تینوں مثبت مریض مہاراشٹر کے مزدور ہیں جو کھٹولی کے ایک کالج میں ٹھہرے ہوئے تھے۔
موصولہ اطلاع کے مطابق، مہاراشٹر کے کچھ مزدوروں کو ضلع کے کھٹولی قصبے میں چودھری ہربنس لال ڈگری کالج میں قائم قرنطینہ مرکز میں رکھا گیا تھا۔

ضلع مجسٹریٹ سیلوا کماری نے ٹویٹ کر اس کی تصدیق کی۔ معلومات کے مطابق، مظفر نگر ضلع میں اب تک 2805 نمونے کورونا جانچ کے لیے بھیجے گئے ہیں، جس میں 2501 نمونے کی جانچ کی رپورٹ منفی آئی ہے۔واضح رہے کہ ضلع میں کورونا سے متاثر 24 مریضوں کی علاج کے بعد ہسپتال سے فارغ کر دیا گیا ہے۔ پورے ضلع میں 26 قرنطینہ مرکز قائم کیے گئے ہیں۔ وہیں شہری علاقوں میں 2637 اور دیہی علاقوں میں 2467 افراد کو قرنطینہ کیا گیا ہے۔