ہاتھرس جنسی زیادتی معاملہ کو لے کر نوئیڈا میں کیندل مارچ نکالا گیا ۔ یہ مارچ سالار پور گیٹ سے شروع ہوا اور سیکٹر 82 پر اس کا اختتام ہوا۔
اس میں سالار پور، بھنگل کے لوگوں کے علاؤہ تمام مذاہب کے لوگوں نے شرکت کی۔ اس دوران دو منٹ کی خاموشی بھی اختیار کی ۔
مظاہرین نے حکومت کے خلاف جم کر نعرے بازی کی۔
اس موقع پر ایس پی رہنما راگھویندر دوبے نے کہا کہ ہاتھرس واقعہ کی غیرجانبدار تحقیقات کر کے مجرموں کے خلاف سخت کارروائی کی جانی چاہیے۔ تمام سرکاری عملہ اس کیس کو دبانے کی کوشش کر رہے ہیں ، جس کی وجہ سے منصفانہ تفتیش کرنا ناممکن ہے۔ لیکن جب تک انصاف نہیں مل جاتا جدوجہد جاری رہے گی۔
ایس پی بیوپار سبھا کے رہنما منوج گوئل نے کہا کہ پورے اتر پردیش میں خواتین پر مظالم ڈھائے جارہے ہیں۔ ملزمین کے خلاف سخت کارروائی کی جائے۔
اس موقع پر منوج گوئل، منوج گوتم، سندر بالمیکی، پروین گوتم ، روہتاش بالمیکی، سونو گوتم، ناصر خان، نتن گڑگ، چنتو تیاگی، سوربھ جندل، حاجی خالد، پنکج گوتم، امت گوتم، اظہر وغیرہ موجود تھے۔
