اس پروگرام میں نظامت کے فرائض دوردرشن سے جڑے صحافی ندیم انصاری نے انجام دیئے جب کہ پروگرام کا انتظام و انصرام صدف خان اور شہزاد انصاری نے کیا۔
پروگرام میں یوپی ورکنگ جرنلسٹ کے صدر فہیم احمد کی موجودگی میں یوپی ورکنگ جرنلسٹ کے سینئر صحافیوں کو اعزاز و اکرام سے نوازا گیا۔
صحافی ندیم انصاری نے بتایا کہ دا فرنگی اینٹرٹینمنٹ کا مقصد نوجوانوں میں چھپے ہوئے ہنر کو ظاہر کرنا ہے اور انہیں منظر عام پر لانا ہے جو ہنر تو رکھتے ہیں لیکن ان کو کوئی اسٹیج مہیا نہیں ہو پاتا۔ وہ لوگ دا فرنگی انٹرٹینمنٹ کے ذریعے اپنے ہنر کو عوام کے سامنے لا سکتے ہیں۔
انہوں نے صحافت کے موضوع پر گفتگو کرتے ہوئے کہا کہ ایک وقت وہ تھا کہ جب صحافت انقلاب کا ذریعہ ہوا کرتی تھی لیکن دور حاضر میں صحافت کمرشیل ہوچکی ہے۔ صحافی کو چاہیے کہ وہ اپنی پوری ایمانداری کے ساتھ سچی خبر پیش کرے۔ صحافت کے میدان میں آنے والے لوگوں کو صحافت کی دنیا سے پوری طرح روشناس ہونا چاہیے کیونکہ صحافت کے ذریعے ہم ملک کی خدمت بھی کرسکتے ہیں۔
