ریاست اترپردیش کے نوئیڈا تھانہ 49 کے علاقے ہوشیار پور میں ایک 18 برس کی لڑکی کی لاش درخت سے لٹکی ہوئی مشکوک حالت میں ملی ہے، موصولہ اطلاعات کے مطابق جس لڑکی کی لاش ملی ہے، اس کی عمر 18 برس بتائی جا رہی ہے اور وہ پیر کی صبح سے ہی غائب تھی جس کے بعد اہل خانہ نے اسے تلاش کرنے کی بہت کوشش کی لیکن اس کا کوئی سراغ نہیں ملا۔
حالانکہ اہل خانہ لڑکی کے غائب ہونے سے متعلق تھانہ میں شکایت بھی کی تھی، پولیس نے گمشدگی کی شکایت درج کر کے آگے کی تحقیقات شروع کر دی تھی، اس دوران پولیس کو اس بابت پتہ چلا اور پولیس نے جائے وقوع پر پہنچ کر لاش کو پوسٹ مارٹم کے لیے بھیج دیا۔
ابتدائی پوچھ گچھ سے پتہ چلا ہے کہ گھریلو تنازع کی وجہ سے لڑکی نے خودکشی جیسا اقدام اٹھایا، تاہم اے ڈی سی پی نوئیڈا رن وجئے سنگھ کا کہنا ہے کہ پولیس دیگر زاویے سے بھی تحقیقات کر رہی ہے اور جو بھی حقائق سامنے آئیں گے اس کی بنیاد پر کارروائی کی جائے گی۔
