پھولپور کوتوالی کے گاؤں چامارڈیہ کا ایک نوجوان موٹر سائیکل سےگھر جارہا تھا ۔اسی دوران گاؤں کی کالونی کے قریب کھڑی پک اپ وین نے نوجوان کو ٹکر ماردی۔ اسی بات کو لے کر پک اپ وین والے سے اس کا جھگڑا ہو گیا۔ اسی اثناء میں پاس کے ہی یادو بستی کے لوگوں کو پتہ چلا کہ دوسرے طبقے سے تعلق رکھنے والے لوگوں نے نوجوان پر حملہ کیا ہے۔ اس کے بعد دونوں اطراف کے سیکڑوں افراد لاٹھی لے کر موقع واردات پر پہنچ گئے اور ایک دوسرے پر پتھراؤ کرنے لگے۔ جس میں ایک درجن افراد زخمی ہو گئے۔
اطلاع ملتے ہی پولیس اور انتظامیہ کے اعلی عہدیدار موقع پر پہنچ گئے اور صورتحال پر قابو پالیا۔ اس معاملے میں پولیس نے مقدمہ درج کرکے ڈیڑھ درجن افراد کو گرفتار کرلیا ہے۔
پولیس سپرنٹنڈنٹ تریوینی سنگھ نے کہا کہ دونو فریقوں کے بیچ کھیت میں بکری چلے جانے کو لے کر تنازعہ تھا۔ اس کے حریف میں، دونوں فریقوں نے مار پیٹ کی ہے۔انہوں نے بتایا کے موقع پر اب امن ہے۔ حالات قابو میں ہے۔
اس معاملے میں، پولیس نے 17 افراد کے خلاف مقدمہ درج کر انہیں گرفتار کرلیا ہے۔
