اترپردیش میں عالمی یوم خواتین کے موقع پر ریاستی وزیر اور سہارنپور انچارج سوریہ پرتاپ شاہی نے سہارنپور کا دورہ کیا۔ اس دوران انہوں نے کہا کہ خواتین نے فوج سے لیکر ہر میدان میں کام کیا ہے۔
انہوں نے کہا 'وزیر اعلیٰ یوگی آدتیہ ناتھ نے مشن شکتی کی شروعات کی ہے۔ اس کے تحت آج پوری ریاست میں خواتین کو سرکاری محکموں میں ترجیح دی گئی ہے، تاکہ وہ عزت کے ساتھ اپنی زندگی کا گذر بسر کر سکیں'۔
انہوں نے بتایا 'ریاست کے سبھی تھانوں میں ایک خواتین سیل قائم کیا گیا ہے۔ حکومت کی جانب سے بچیوں کی تعلیم، بیٹی پڑھاؤ بیٹی بچاؤ مہم کے ساتھ ساتھ کوشل وکاس پروگرام چلائے جا رہے ہیں، تاکہ خواتین مالی طور پر مستحکم ہوسکیں'۔
یہ بھی پڑھیے
یوگی کے بیان پر بھڑکے اویسی، کہا 'یہ آئین کی توہین ہے'
انہوں نے کہا کہ جن خواتین نے ریاست میں اپنے اپنے فیلڈ میں نمایاں کارکردگیاں دکھائی ہیں ان کو وزیر اعلیٰ کی جانب سے اعزازات سے نوازا گیا ہے۔
