اتر پردیش کے ضلع مرادآباد میں وائرل بخار کے مریضوں میں تیزی سے اضافہ ہورہا ہے۔ مرادآباد سول لائن ہسپتال میں مریضوں کی لمبی قطاریں دیکھنے کو مل رہی ہے۔ وہیں محکمہ صحت ضلع میں تیزی سے پھیل رہے وائرل بخار کو لے کر اب الرٹ ہوگئی ہے۔
اس سلسلے میں مرادآباد سی ایم او گرگ نے میڈیا سے گفتگو کرتے ہوئے بتایا کہ 'مرادآباد ہسپتال میں روزانہ تقریبا تین سو پچاس سے زائد وائرل بخار کے مریض ایڈمٹ ہورہے ہیں۔ ہسپتال کی جانب سے سبھی کی دیکھ بھال اور دوا دی جارہی ہے۔
انہوں نے بتایا کہ ہسپتال میں اچانک بخار کے مریضوں میں ہورہے اضافہ کو دیکھتے ہوئے، ہسپتال کی طرف سے مریضوں کے بہتر علاج کے لیے تمام انتظامات اور ڈاکٹروں کی ٹیم تیار کی گئی ہے۔
مزید پڑھیں:
وہیں آج مرادآباد میں ڈینگو کے چار مریض بھی سامنے آئے جس کے بعد سی ایم او ایم سی گرگ نے عوام سے اپیل کرتے ہوئے کہا کہ ڈینگو بخار سے بچنے کیلئے مچھر دانی لگاکر سوئیں اپنے گھر کے آس پاس پانی نہ جمع ہونے دیں اور صاف صفائی کا خاص خیال رکھیں۔
