امروہہ ضلع کے تھانہ دیہات علاقے کے گاؤن ملاک بکنی میں ایک ہی جماعت کے طالب علم بھانو نے اپنے ساتھی ورون کا گلا دبا کر قتل کردیا۔
بتایا جارہا ہے کہ اسکول میں موبائل پر ہونے والے جھگڑے کا انتقام لینے کے لئے بھانو نے ورون کی جان لے لی۔ پولیس نے ملزم کو گرفتار کرلیا ہے۔
دراصل ریاست اترپردیش کے امروہہ ضلع کے تھانہ دیہات علاقے کے ملاک بکنی گاؤں کا رہائشی ورون اپنے دوست بھانو کے ساتھ گھومنے گیا تھا لیکن وہ واپس گھر نہیں لوٹا۔ جب بہت دیر ہو گئی تو اہل خانہ نے اس کی تلاش شروع کی لیکن ناکام رہے۔ انہوں نے اس معاملے کی اطلاع تھانہ امروہہ کو اطلاع دی۔
اس معاملے کو لے کر امروہہ ضلع کے ایس پی وپن ٹنڈا نے بتایا کہ 'تھانہ امروہہ دیہات پولیس نے پورے معاملے کی تفتیش شروع کردی ہے، بھانو نامی اس کے ہم جماعت کو حراست میں لے لیا۔ جس کے بعد معلوم ہوا کہ بھانو امروہہ نگر کے سائی بابا اسکول میں ورون کے ساتھ پڑھتا تھا اور ان دونوں میں کسی بات پر جھگڑا ہوا تھا۔ جس کے بعد بھنو نے ورون سے انتقام لینا چاہتا تھا۔'
انہوں نے بتایا کہ 'بھانو نے ورون کو اس کے گھر سے بلایا اور اسے گاؤں کے باہر لے گیا اور رسی سے گلا گھونٹ کر فرار ہوگیا۔'
ایس پی نے بتایا کہ 'پولیس نے اسے گرفتار کرلیا ہے۔ اس کے خلاف قانونی کارروائی کی جا رہی ہے۔'
