نوئیڈا: ریاست اترپردیس کے نوئیڈا میں اسٹریٹ وینڈر ورکرز یونین (پتھ وکریتا کرمکار یونین) نے پتھ وکریتا کرمکار یونین کے جنرل سکریٹری اور سی آئی ٹی یو کے ضلع صدر گنگیشور دت شرما کی قیادت میں دکانداروں نے نوئیڈا اتھارٹی کے دفتر سیکٹر 6 میں زبردست مظاہرہ کیا۔ وزیر اعلیٰ، حکومت اتر پردیش اور سی ای او کو میمورنڈم بھی دیا جس میں جن دکانداروں کی ابھی تک تصدیق نہیں ہوئی ہے ان کا موقع پر ہی سروے/ تصدیق کریں۔ ان کے کام کی جگہوں کے قریب وینڈنگ زون بنائیں اور ان دکانداروں کے لئے جگہ دستیاب کرائیں جن کے ویری فکیشن ہو چکے ہیں۔ ان کا ڈرا کرنے ،جو وینڈنگ زونز غلط جگہ پر بنائے گئے ہیں۔
دکانداروں کی رضامندی سے،انہیں ایسی جگہ پر منتقل کیا جائے جہاں ان کا کام ہو سکے۔ موجودہ کرایہ کی رقم کو کم کر کے اسے ریاستی دارالحکومت لکھنؤ کے برابر مقرر کیا جائے اور کووڈ-19 سے متاثر ہونے والے سال 2020-2021 کے لئے کرایہ معاف اور ان دکانداروں کو بحال کیا جائے جن کا لائسنس بغیر اطلاع/معلومات کے غلط طریقے سے منسوخ کر دیا گیا ہے۔ انہوں نے کہاکہ ساتھ ہی تمام تنظیموں/ایسوسی ایشنز/اسٹریٹ وینڈرز کی یونینوں سے ایک ایک نمائندہ لے کر سٹی اسٹریٹ وینڈنگ کمیٹی کو مستقل طور پر تشکیل دینے اور TVC کمیٹی کو تمام حقوق دینے کے مطالبات کئے گئے ہیں۔ وہ دکاندار جن کے ہاکرز اور سامان اتھارٹی کے اہلکاروں نے مفت ضبط کیا ہے۔ وہ جرمانہ 50,000 روپے سے کم کر کے زیادہ سے زیادہ 2000 روپے تک کر دیا جائے۔
دیے گئے میمورنڈم پر اتھارٹی کے او ایس ڈی اندو پرکاش نے یونین کے نمائندوں کو بلا کر بات چیت کی اور زبانی طور پر مسائل کے حل کی یقین دہانی کرائی لیکن مظاہرین تحریری یقین دہانی کا مطالبہ کرتے رہے تھے جس بات چیت ناکام ہو گئی۔ سی آئی ٹی یو کے ضلع صدر گنگیشور دت شرما، ٹی وی سی ممبر اور یونین صدر پونم دیوی، منجو دیوی رامیشور سوامی، موتی، ہری گپتا، سی آئی ٹی یو کے ضلعی لیڈران رام ساگر، بھیکھو پرساد، رام سوارتھ وغیرہ نے کہا کہ نوئیڈا اتھارٹی اسٹریٹ وینڈرز ایکٹ کے تحت منظم کرنے کے بجائے ، دکانداروں کے روزگار پر حملہ کرنے اور انہیں ہٹانے/ بھگانے، ان کے سامان کی توڑ پھوڑ، سامان ضبط کرنے اور گلیوں میں دکانداروں کے خلاف کارروائی کی جا رہی ہے۔ جس کی وجہ سے دکانداروں کی ہراسانی بڑھ گئی ہے اور ان کے سامنے روزی روٹی کا بحران ہے۔
یہ بھی پڑھیں:Unemployment And Inflation عوام بے روزگاری اور مہنگائی سے پریشان، مودی اپنی ہی تشہیر میں مصروف
ساتھ ہی انہوں نے انتباہ دیا کہ اگر ہراساں کرنے کا سلسلہ بند نہیں ہوا اور نوئیڈا اتھارٹی کی طرف سے ہمارے مسائل حل کرنے کی کوئی تحریری یقین دہانی نہیں کرائی گئی تو اتھارٹی کے سامنے غیر معینہ مدت تک کا احتجاج جاری رہے گا۔
